T9ahwija...

Echa5siyyet:

El 7idoussi..
Chouhira: Doubermal..
Al mehna: Sa7eb mat3am +morabbi kleb mo7taref (fil noir)..
Al Hiwaya: Tarki7 lkleb el metcharrda; Al istime3 lel Mozambik FM; El 3adw errifi...
Y7ebb: El koura; Tennis; El Forja fil les courses mta3 lkleb
surtt 100 mitrou siba7a 7orra wel 1500 mitrou 7awejez.. w y7ebb zeda yekseb 103..

Yekrah : Eddjinet (jeans) ; essayyarat echa3biyya ; w yfedd mel 3onsouriyya..

7akiyem Ezzwawini..
Chouhira : Skirina..
Al Mehna : 3awn amn (Sogegat / Sogegade)..
Al Hiwaya : Chorb el col (alcool); ennatation; El 3azf 3azzokra; el potet cor (baute de corps)...
Y7ebb : Yo5teb bent 5alou; yet3allem el informatik; ywalli general fel 3asker walla ywalli moula77en mach'hour...

Yekrah : Ettarajji; el whisky; w yehbel mel les virus informatik...

Wa7id..

Chouhira : Lalmani..

Al Mehna : 9ahweji..

Al Hiwaya : none..

Y7ebb : Yerja3 ye5dem fi belgikya (voir photo)..

Yekrah : Doubermal w Skirina!!!

Skirina d5all yejri lel 9ahwa 5atrou 3andou RDV m3a Doubermal w bta 3lih..

- Wa Lalmani... Ritech Doubermal??

Lalmani (feded):

- Haw bde yonfo5li fihom.. Eyyh , ahawka fittawla elli bjamb ettoilette...

- 7miss 3lik.. mercil.. (ahh nsit ma9oltelkomch elli Skirina me yenta9ch el '5a'..yenta9ha '7a'...)

Mche 3ad si Skirina lettawla elli ba7dha ettoilette..

Doubermal: -Chbik el tawwa ya si l5ra??

-Sama7ni ya Douber ya 7ouya(9asdou '5ouya').. Rani 93att netfarrej fi matech mta3 Ejjouvantez w Bayerm Mini7 (Munich)...

- Eyhh.. 9addech 5raj ettor7??

-Wallhi kenet el Bayerm reb7a, je l arbitel fassadha felle77er (felle55er) mta3 eddizieme  mille temps  we3ta lel jouvantez pilantil w cornel 9elbou bihom ettor7...

-Malla le3b... be5lef hedha ech ta7ki jidi??

- Wallahi hani nestanna fekel 9adhiya el 7kitlek 3liha w rabbi ysahhel.. 9alouli ejjme3a maximon yjini ejjweb mte3hom ba3d ghodwa..

- Rabbi ysahhel..

-Y3ayyech 7ouya (5ouya)..

- w fin enchallah el 5edma ejjdida?

-Wallahi belloujik fezzon (zone) hedhi.. Ana mayhemmnich fi ena zon 7ater (5ater) echahriyya 7ir (5ir)...

- oki.. Wecha3malt el youm??

-Wallahi tfarrajt ferrezime (resume) mta3 tor7 l aspirance wel klib.. Mchit kima 9otlek sabbit el matleb ta3 el 7edma (5edma), 3malt doura fel frip 5dhit Jean..

-Wouuuuuuuuuuh... Ye5i matefhemch .. ma 3adech tejbedli 3addjinet.. 3andi anergie menhom.
- Behi sama7ni.. akahaw... mchit el Majdi "belgatzz" nchouf 3andouch ondinater lel bi33.. l9itou 7atet ghneyet 'Oh matchiboyz'.. tetfakkarha??

-Eyhhh , ya 7asra .. tfakkarni fi ben...

Houma hakkeka w yozdem Lalmani:

-Ayya ya sla3.. bech nsakkrou.. filamen..

Skirina: - Chbik dima t3ayyet?? t7ebb net7athwer m3ak fi 7ouroutou?? wallah na3tik gouche droit lema ndaww7ek(ndaww5ek)..

Lalmani : -Ayya 3ad ya Skirina lataw nchedd n5abbtek kel 3ada.. Ayya tjabbdou..

-Behi.. Sayyeb el maryoul.. Aghla mennek hedheka ..

Wiy9oum Skirina w Doubermall weyraww7ou mtarrdin kel 3ada....